今屆賽事喺肺炎陰影下，噚日首日賽事嘅入場人數就比往年少好多，除咗過往響場內由學生負責嘅唔同類型現場表演節目冇咗外，連賣紀念品嘅小販都唔見埋；不過，旅遊發展局就響球場入口附近擺設咗個攤位，方便遊客查詢，認真行貨。
雖然賽事畀肺炎陰影所籠罩，賽會預備咗嘅口罩畀球迷，但現場見戴口罩睇波嘅球迷其實唔算多，反而有贊助商所免費派發嘅靚靚嘅頭巾（亦可當口罩之用）因為有唔同顏色選擇，加埋帶咗靚個戴口罩好多，所以就大受球迷歡迎。
由於美伊戰爭，賽會今年就特別加強球隊同其他方面的保安，而噚日所見，球迷同傳媒入場前都要經過保安人員檢查，就嚴禁帶任何樽裝同罐裝飲品入場，至於檢查隨身物件就比較「求其」，只要打開個袋已經可以過關。