施念慈最近被博益「私有化」，兩年出八本書，又獲出版社大灑金錢做宣傳，下月一日銅鑼灣禮頓道將掛出施念慈一幅十八呎乘二十八呎的巨型廣告牌，為期約一個月，租金連製作費超過六位數字。施念慈更透露正構思寫一本宮廷性史，希望出版社支持。
施念慈（Celia）向來以自由身出書，不過博益出版社有意將施念慈「私有化」，希望她簽下兩年出八本書的合約，而施念慈則開出條件，要求博益落重本做宣傳，更堅持要在禮頓道掛出巨型廣告牌，擺放一個月。
據悉該廣告牌租金連製作費成本超過六位數字，所以博益方面亦需時間考慮，雙方爭持了一個月後，終於達成協議，出版社答應替施念慈掛出一幅十八呎乘二十八呎的巨型廣告牌，廣告牌將於下月一日面世。
施念慈前日到出版社視察印製好的海報，她說：「博益對我好好，都唔係話簽獨家就有得落廣告牌嘅，要睇銷售成績嘛。以前公司都有幫我喺雜誌賣廣告，但係我出書咁耐，都係第一次有廣告牌，所以心情好興奮。其實我本書一月已經寫好晒，但係因為廣告好full要等，所以我本書先遲咗出。」
施念慈透露目前正構思一本較另類的小說，故事講述古代皇宮內皇帝和妃嬪的性生活和趣聞，施念慈說：「呢啲野史題材其實都幾好睇，但因為比較冷門，冇乜人寫，出版社未必肯出，所以希望今次本美容書銷售量可以好啲，等出版社可以完成我嘅心願，我自己對於歷史人物楊貴妃同武則天最有興趣，佢哋好有手段，以前女人冇乜權，但佢哋竟然可以爬到咁高。」
採訪：張止寒
攝影：汪正文