今時今日，玩遊戲機長大的小朋友，分分鐘連豬牛羊的真身都未見過，為人阿姨的SamB為了等一班姨甥體驗大自然純樸生活，開車直入上水的假日農場，落手落腳耕田種菜餵動物，接着將軚盤一扭，兜入古意盎然的粉嶺圍，靜賞古炮舊樓，活動教學上一堂歷史課，最後開車直駛粉嶺市中心，到訪日本人開設的拉麵店，話咁易可以消磨整個周末。
記者：尹珊珊
攝影：陳偉強、尹珊珊
Model：SamB(KOne)
新近抵港嘅Facelifted新版本田Civic，造型看似沒有多大改動，但車頭泵把、鬼面罩及尾燈等組合皆屬全新設計，重裝有車身兩側裙腳，望落可謂跑味十足；車廂布局仍見寬敞舒適，而屬賣點之一嘅後排平直地台設計，仍被保留下來之餘，就連表板亦換上新設計呢！然而，新車一台1.5公升直4SOHCVTEC偈，除有慳油特性外，另外重有充裕嘅動力輸出呢！
引擎：1493cc直4SOHCVTEC
馬力：115ps/6500rpm
扭力：14.2kgm/4800rpm
尺碼：4435×1720×1440mm
軸距：2620mm
新車售價：$146,800（天窗版）
車輛提供：合群汽車（23802231）
每逢周末，SamB要幫家姐照顧囝囝囡囡，亦忍不住歎道：「同朋友就可以去唱K，陪小朋友真係唔知做乜好。」左思右想，決定起行去農場。負責人黎先生甫在門口迎接他們，「不如先帶你們到自耕農地觀賞蔬果植物，跟農場一班小動物見見面，還可釣魚、燒烤、做麵包。」聽罷三個小朋友早已沿山坡急步跑往種植場，SamB反而有興趣知負責人何以開農場，黎先生道：「呢度七十年代已經是個果園，九年前有感香港愈來愈少大自然的地方，配合當時環保意識抬頭，於是便着手搞，賺錢係次要，最想可提供一個環境教識人保護自然。」
假日農場
地址：上水大龍坑村62號C
電話：26702345/98322463
開放時間：星期一至日上午10時至下午5時，需預約。
收費：每位$50
泊車：假日農場門口備有約30個露天車位。
趁着太陽仍未下山，SamB將車子直駛往粉嶺圍，感受一下古老鄉鎮的風貌。粉嶺圍包括正圍、北圍及南圍，是新界五大姓彭氏的始祖地。從南圍徒步走約五分鐘，便可以看到正圍河塘畔有三支古炮，SamB趁機留影後，接着入村內閒逛，圍村的建築看似整齊有序，但只要深入巷子，便有如闖進迷宮一樣，左穿右插終於來到「思德書室」，看着眼前古意盎然的一磚一瓦，SamB笑言猶如上了一堂歷史課。
「圍村有七百多年歷史，仍然可以保存得咁好，在香港已經買少見少，我喺度住咗三十年，每逢假日都見唔少後生仔專程來拍照留念。」
泊車小貼士：沿新運路駛入，到達粉嶺南圍前約有二十個咪表位泊車。
粉嶺區以聯和墟一帶最興旺，把車子來回兜轉，在聯昌街竟給SamB發現一間小巧精緻的拉麵店，老闆小村由樹先生是來自北海道的日本人，據店主小村太太講，平日不少區外客都會專程駕車來朝聖，當中一道喜多坊拉麵更是只此一家，他們忠於地道口味，麵條是特定找麵廠訂製，絕不含防腐劑，細微處如芽菜和葱絲都是經過細心挑選，保證纖維細緻又新鮮。
日本東北部喜多坊是個麵市，出產的拉麵比一般麵條闊一倍以上，口感煙韌帶勁，叉燒、蟹柳、日式滷水蛋、芽菜、粟米等配料鋪得滿瀉，感覺滿足至極。
「我們的豬骨湯底用上近30斤豬骨、紅蘿蔔、大葱等熬煮，湯重貴過麵，味道不帶半點羶味。」
店名：爵士拉麵
電話：26769348
地址：粉嶺聯昌街2A6號
泊車：和睦路露天停車場
備註：店子不時在非特定休息日關門，光顧前請預先致電查詢。
1.沿粉嶺公路經迴旋處左轉入粉錦公路，向上水方向直駛，見到大隴實驗路牌轉入，依路牌指示約五分鐘後可直達假日農場。
2.由假日農場出粉嶺公路，經迴旋處朝粉嶺方向一直進發，在掃管埔路左轉駛入新運路，到達粉嶺南圍附近的露天停車場，下車後由南圍入口步行往正圍，需時約五分鐘。
3.沿新運路直駛，經迴旋處左轉入沙頭角公路，兜入聯和道再轉往聯發街，左轉入和泰街後直駛往和睦路停車場，下車後步行至聯昌街爵士拉麵。
由粉錦公路往石崗方向直駛，望到大隴實驗農場轉入，只要沿路牌進入便可到達假日農場，惟此路屬單線雙程行車，彎位特多且非常狹窄，需將車速減慢，並密切注意路面交通情況，建議每次駛至彎位時不妨先響按，待對頭車輛有所準備。