湖南衛視同苗圃行動搞嘅「十佳愛心大使」噚日舉行頒獎禮，九成得獎者都係內地人，只有香港明星足球隊攞咗個「最具凝聚力的愛心大使」獎，重有一位香港人黃福榮獲「最具勇敢精神的愛心大使獎」。
不過，連黃福榮都唔知佢點解可以佔一席位。八方估計應該係同呢位黃生傳奇經歷有好大關係。原來佢認咗同樣係「最具凝聚力的愛心大使」得主隋繼國做大哥，而隋繼國本身有血癌同腦癌，佢○○年踩單車行完全國為骨髓庫籌款，○一年重想由北京行嚟香港，可惜冇簽證，只好行到深圳，黃福榮睇到好感動，走去搵佢，重認佢做阿哥。後嚟黃福榮○二年由香港行到北京籌錢，同佢大哥喺湖南會合，後尾重上埋湖南衛視㖭。
傳真︰2623-9278
電郵︰