「下一個（染病）一定唔可以係我，就算係我都唔好咁快，等入面嗰班（患病醫生）出返嚟醫番我哋。」自嘲變成了「怪獸」，「生人勿近」的威爾斯醫院8A病房主診內科醫生胡志遠，回想過去幾個星期與非典型肺炎的搏鬥，由一籌莫展地「捱打」到今日開始扭轉局面，至今仍歷歷在目。
胡志遠是威院爆發非典型肺炎源頭─8A病房內科主診醫生，他接受電視台訪問，回憶最初出事一刻，仍然猶有餘悸：「心情係好混亂啦，好驚啦，因為真係好似一場瘟疫咁，好似醫生自己發生一場瘟疫咁！」看到身邊同事一個一個倒下，令他感到恐懼：「我見到一啲平時好生猛同事，行路都行得唔穩陣，有啲癱喺床起唔到身！」
可是當他連續照了三日肺片，證實未受感染後，就立刻投入「戰場」，每天穿起保護衣，負起醫治同僚責任：「入去感覺都係好似入咗戰場，因為敵人（非典型肺炎）喺裏面，但係我哋睇唔到。頭嗰兩個禮拜真係捱打，冇乜好消息。」
為防感染家人，他兩個星期也不敢返家，就算行街也要確保五呎範圍內沒有其他人，他說：「真係好似做咗怪獸咁，生人勿近！」
直到近期部份威院醫護人員漸漸康復，胡志遠心情才稍為輕鬆，同事間更不時互勉，要打贏這場仗：「我哋個個入病房同事都會互相勉勵，下一個一定唔可以係我，就算係我都唔好咁快，等入面個班（患病醫生）出返嚟醫番我哋。」
本報記者