最近我大口羅拉發現布公仔牌子TyEurope都幾把炮，居然搵到影后荷爾芭莉（HalleBerry）、麥當娜（Madonna）、Victoria同Geri等靚女授權，推出幾款好似椰菜娃娃咁嘅肥嘟嘟名人布公仔。
呢批公仔嘅衫同真人所着嘅做到似模似樣，佢哋除咗可以吸引啲鍾意儲布公仔嘅狂迷之外，其實都好有用途。如果我羅拉發現有女仔淨係鍾意啲膚色白白淨淨嘅公仔，我就會送個荷爾芭莉公仔畀佢，等佢發現黑人其實都好cute㗎！不過，相信碧咸嘅女fans對Victoria嘅公仔一定會「愛不釋手」，隨時可以同個公仔拆骨，發洩對Victoria佔有佢哋偶像嘅不滿情緒。
都係講番啲有建設性嘅嘢啦！經常俾人話開放嘅Geri，佢嘅公仔一定最啱喺性教育課度做反面教材，玩公仔之餘，教吓啲小朋友安全性行為嘅重要性，啲同學仔一定好開心上堂啦！