古天樂在新片《失憶𠝹女王》中初嘗與應采兒在巴士上，一邊打情罵俏一邊rap歌，十分風騷。古仔在片中追求應采兒，但每次有親熱舉動，古仔便失去記憶，傷盡應采兒心。
古天樂與應采兒主演的新片《失憶𠝹女王》將於下月十日上映，該部輕鬆愛情喜劇由馬楚成導演，古仔在片中更首次與應采兒rap歌。
古仔和應采兒早前在北京的一輛巴士上拍攝一場你追我逐的感情戲時，首次以情侶檔姿態一齊rap歌。拍攝完畢，古仔表示想不到與應采兒唱rap歌相當合拍。
最近正忙於監製和演出電影《豪情》的古仔，對《失》片也相當重視，他日前說：「我覺得馬楚成今次拍嘅呢個故事幾得意，講一個男仔鍾意咗個女仔，點知每次同佢拍拖要有親熱舉動嗰陣就會失憶，然後唔記得曾經愛過呢個女仔，當佢係陌生人咁。但係每次見番佢又會有一份好感，所以好自然又會重新再追佢，搞到個女仔愛得個男人好辛苦。我演呢個失憶男仔角色，對我嚟講幾有新意㗎。」
成為中國星寵兒的古仔，片約不絕，《豪》片將於暑假上映外，下月底他會參演另一部由中國星投資的暑假檔期新片《戀上你的床》，夥拍緋聞女友鄭秀文。
另外，古仔將會在爾冬陞的新片《忘不了你》中客串演出，他說：「下半年都係以拍片為主，不過我張新碟會喺下個月出，我都唔知抽唔抽到時間做宣傳，所以唱片公司可能會押後出唱片嘅時間。」
採訪：陳月媚
