SARS非典型肺炎橫行，除咗口罩之外，坊間亦流傳一批預防藥方，八方收到好多款，其中一張包括板藍根、夏枯草等十種藥嘅方，喺官場廣泛流傳，效用則未經驗證，但大公司都用。據八方所知，郭家新鴻基地產嘅灣仔總辦事處噚日開始，由專人煲定類似上述嘅藥湯，供員工飲用。
據佢哋話，呢款湯嘅藥方由同事提供，係廣州中醫學院教授所開，並經澳門鏡湖醫院中醫核證，所以該公司決定一連三日煲湯畀同事飲。新地總部一向為員工提供午膳，今次連藥都煲埋，真係唔話得。至於藥方內容，八方唔係醫生，不便公開，各位想知可以問相熟中醫，或者去大中藥店問吓，佢哋都一包包執定晒，畀錢就得。
傳真︰2623-9278
電郵︰