謝霆鋒昨日往灣仔會展出席記者會，由於非典型肺炎肆虐全港，大會在現場派發口罩及取消四百名歌迷入場。霆鋒表示因受肺炎事件影響，原定在本月舉行的廣東省巡迴個唱被迫延期，而赴英拍攝的廣告更因戰事而取消。
謝霆鋒、容祖兒、英皇3T鄭希怡（Yumiko）、劉思惠（Maggie）和蔣雅文（Mandy）昨日在灣仔會展，出席「星Mobile記者會」，大會為安全起見，除取消原定招待之四百名歌迷入場外，更向所有台前幕後派發口罩。
霆鋒昨日戴上口罩接受訪問，他說：「我呼籲大家，尤其係小朋友，為咗形象唔夠cool、唔夠型而唔戴口罩，到時病咗就真係唔夠型嘞！」
霆鋒表示原定本月會在廣州、佛山及深圳舉行內地巡迴演唱會，但現在已告延期，他說：「因為肺炎嘅關係，𠵱家已經延期到五月第二個星期先開始，損失係有，但幾多唔想講。」霆鋒的經理人霍紋希則稱本來為霆鋒接下一個在英國拍攝的廣告，但因受美伊戰事影響，已告取消。
不過，霆鋒日內仍要北上，與章子怡一同出席在內地舉行的一個愛滋病活動，霆鋒笑說：「公司千叮萬囑我要戴口罩，始終大家用同一個咪，又困喺同一個地方。」
另外，日前本報報道容祖兒新歌《我的驕傲》，在Neway和加州紅卡拉OK獨家試唱，但BigEcho和活力卡拉OK亦同時有該曲供客人點唱，英皇唱片部經理林偉漢昨日在電話中說：「𠵱家律師已經搞緊禁制令，禁制BigEcho同活力卡拉OK再播《我》歌嘅卡拉OK。」
祖兒則說：「我唔知咁多，一向都有獨家試唱，唔知點解我嘅歌有咁多問題。」而BigEcho老闆娘Apple姐昨日在電話中說：「呢個係英皇同ClickMusicLtd.嘅問題，我哋點知呀？等我問吓律師意見，睇吓佢哋有冇呢個權利先。」
採訪：李珮洳、朱芷瑩、張止寒
攝影：陳慧安、陳志嵐