張燊悅去年因由星皓跳槽至林建岳旗下之新公司，結果被前老闆王海峰及環球高層陳少寶狠批，但她一直未有反擊。日前張燊悅終坦承王、陳兩人當日對她的批評，令她慘嘗被放棄的感覺。
張燊悅（Nicola）去年中約滿前經理人星皓公司之後，轉投林建岳旗下新開設的「紅館」經理人公司，未料竟惹起風波，先有星皓老闆王海峰公開炮轟她要求既多又反骨，繼而環球唱片高層陳少寶亦加入戰圈，責她未與唱片公司共商就擅轉經理人公司，令他大感失望。
可是一直以來，Nicola也未有對兩位舊老闆作出任何反擊，因她自知有錯，亦不想在敏感時期展開罵戰，如今雨過天青，她重提舊事也變得態度輕鬆。
Nicola日前在鯉景灣接受本報訪問時說：「我以前從來唔知乜嘢叫做心痛，但舊年發生咗呢件事之後，喺嗰一刻我領略到乜嘢叫心痛，感覺係俾人放棄咗，重要係乘二㖭。因為佢哋嘅激動，令我嘅事業停滯咗半年，但我好多謝佢哋，呢段時間令我發現咗好多以前自己冇觀察嘅事，我學識觀察自己，關心人哋。」
Nicola如今說來輕鬆，但當初她卻為王、陳的一番話而感到非常混亂，她說：「嗰時我只係覺得混亂，個心都有啲唔舒服，但我冇發癲，亦冇諗過要同人罵戰，我覺得佢哋話我錯，自己就真係會有錯，不過我冇後悔，因為我承認同接受自己發生咗嘅事。」
不少人都覺得Nicola待人接物有問題，以致她每次事業有起色時，都未能再踏前一步，Nicola則說：「我嘅人生觀念冇嘢係完美，我待人接物係有短處，尤其係發生嗰件事，我成日都唔識得處理事件，我𠵱家重係學習中。」
採訪：朱芷瑩
攝影：陳志嵐
Styling：Bikinicat
Hair：Edmond（TeteHairDressing）
Nail：NailNail（OnLanStreet）
場地提供：VillaBiancaRestaurant
