唔少化妝師都話，眼部化妝好難搞，最麻煩係畫眼線和眼影，好易畫出界或者顏色唔均勻。如果技術唔好，建議大家從最簡單出發，只用睫毛液替眼睫毛上妝，已經可以令雙眼看起來大啲。
每次塗睫毛液前，先用睫毛鉗把睫毛鉗至微翹，然後從上眼睫毛掃起，用Z字形的刷牙方式，將睫毛液掃在睫毛的根處，重複兩次。假如睫毛黏在一起，就要用睫毛梳輕梳數次。想令睫毛更有層次感？先掃一層顏色深的睫毛液，再於睫毛最尖端位置掃一層淺色的睫毛液就可以了。
另外，每支睫毛液開蓋後，不宜存放多於6個月。敏感性皮膚，就要揀有防敏感作用的睫毛液，否則令眼部痕癢浮腫就化乜妝都唔靚啦！
記者：羅惠芬