無綫由本周一開始一連兩星期推出特備節目《高度戒炎》，由羅慧娟、鄧梓峰、安德尊和敖嘉年等主持，訪問醫生專業意見及探討非典型肺炎案例。有無綫員工投訴《高度戒炎》外景部份多要到醫院或診所等高危地方採訪，隨時有機會受感染，罔顧他們安全。
無綫高層彭濟材昨日說：「我哋明白同事感受，其實我哋唔係一定要同事去啲咁高危嘅地方，所以今日我已經同佢哋講得好清楚，唔需要走到去咁前線，一切以安全為上。」本於今日出發往中山拍攝外景的安德尊，昨日接獲通知取消行程，安德尊說：「應該嘅，唔清楚情況咪留一留步囉！」
此外，亞洲電視亦採取相關應變措施，錄影廠內的咪用完均立即消毒，更預備口罩讓拍攝外景的同事使用，而亞視高層黎文卓昨日亦表示，明日會安排員工上街派口罩。
而昨日在清水灣電影製片廠拍攝劇集《萬家燈火》的演員，如馮寶寶、陳煒及田蕊妮等人，毋須埋位時均戴上口罩。馮寶寶說：「該死就唔使病，但覺得呢個真係一個歷史時刻。」
採訪、攝影：戴彩煥、卓美娟