呢輪香港車市表現一片蕭條，亞Mark聽聞原本會響4月9日正式落實嘅新一年財政預算案，𠵱家有可能推遲至4月底；若然係真的話，車市嘅雪霜期又要拖長多一段時間，你都咪話唔對汽車買賣無影響呀！
相對下，亞Mark就覺得會對萬事得代理有利而無害噃！皆因早前一輪人事大變動之後，新人事都要一段時間適應嘛！而亞Mark早前提及佢哋另聘高明掌管香港同九龍Showroom嘅日常營運，人選亦經已落實；此君正是早年跟GaryCheung響皇冠車行共事嘅Franco敖，相信以佢響豐田、凌志及寶馬汽車嘅豐富銷售經驗，必定對全新改革嘅萬事得汽車有一定裨益㗎！至於佢哋原定3月中旬推出嘅2.3公升全新Mazda6五門Wagon，就要押後至4月中，繼後重可能有新版2.3公升MPV面世都唔定㖭！