童年時喜歡流連街邊的遊戲機中心，那時甚麼《街霸》、《泡泡龍》、《魔界村》等都耳熟能詳，跟機銀仔鋪滿螢光幕，等一個半個鐘絕無問題。不過到今時今日，以上畫面已經不再復見，皆因以上遊戲已經走入手機，多個網絡商及手機商都有得Download，只要有部Java手機，就可以一路行、一路玩！
記者：劉耀祥 攝影：周旭文、劉耀祥 ImageGirl：Yan(Sunspot)
逢星期一至五刊出
眾多手機商中，現時只有Nokia提供Java遊戲下載服務，提供接近二十個Java遊戲下載，而且個個都是舊相好，細個嗰陣一定玩過。
要數招牌之作當然就係經典格鬥遊戲《街頭霸王》，阿龍、春麗、蘇聯佬一樣有份，不過在手機中要「Chok」波就有點困難，所以玩法亦轉為按數字攻擊及防守，跟螢幕顯示數字鬥快㩒，顯示速度則會愈來愈快，要贏就要睇吓你手指夠唔夠敏捷。
如果有玩開Palm的用家對這個大富翁必定相當熟悉，今次阿土仔、孫小美更走到手機世界繼續大富翁冒險之旅，以擲骰仔前進，沿途布滿可令你家財散盡的陷阱或一夜富貴的獎賞，盡快令對手破產就是首要任務。
收幾錢：所有遊戲每次下載需15分Nokia積分(約$18)
邊度Download：ClubNokia網頁(
用手機玩Java遊戲，一個人玩可能都會有悶嘅時候，若果可以連線就互動得多，One2Free最多連線Java遊戲，唔想一個人玩可以隨時搵到對手。
追女仔遊戲向來都有市場(特別是男性玩家)，最大滿足感當然是追到手的時候，玩法類似日本名作《心跳回憶》，以完成任務獲得女主角青睞，女主角多達5位。
麻雀這種「國粹」在香港極為流行，手機當然都有得玩。《麻雀在線》可提供多個「房間」供你耍樂，每間房間都有最少及最大「番數」設定，可以揀間啱自己嘅先入去「一展身手」。
數One2FreeJava遊戲當然唔少得「麥嘜」系列，之前推出的「麥兜FAFA腳瓜大顫」令不少麥嘜Fans捧場，今回更將得意嘅麥兜同搞笑嘅麥太拖埋落水，製成《麥嘜唔怕滯》同《麥太教仔》，呢一兩個禮拜就會推出，各位麥嘜迷又係時候換Game喇！
收幾錢：每個遊戲$15+GRPS收費
數碼通大部份Java遊戲都特別針對旗下獨家發售之SharpGX12，皆因其聲效及畫面都經過優化，音響效果及震動效果都更加出色。現時共有15間遊戲供應商，其中包括日本大廠SEGA、NAMCO及KONAMI等。
NAMCO之《太達之鼓人》（即日式打鼓機），現時在機舖同家用機中都依然大熱，將手機變成打鼓機，加上精采音效及震動效果，十分有街機Feel。
收幾錢：遊戲以月費或逐個收費計算
香港人愛賭成性，只係得一款麻雀絕對唔夠喉，所以不如索性將整座聯誼會放晒入手機，萬眾嘅《愛之聯誼會》，21點、麻雀及老虎機一應俱全，可以選擇與電腦或個人對戰。
《「丙」大佬》：
適合香港人發洩之遊戲，將最憎之人的名字填上，就可以起勢咁打。
收幾錢：遊戲費用+GPRS費用
1.收費方式，因個別遊戲會以逐個計或月費形式收費。
2.對應機種，部份遊戲只會對應個別機種，否則得物無所用。
3.記憶體空間，每部手機記憶體有別，若遊戲檔案太大便無法下載。
4.儲存地點，Nokia手機會將下載到之遊戲存放於「應用程式」，而不是「遊戲」內。