容祖兒的新歌《我的驕傲》，Neway與加州紅卡拉OK均取得獨家試唱權，但其他卡拉OK竟然有得唱，有唱片業人士指此事件影響頗大，可能會導致卡拉OK不肯花巨額金錢向唱片公司購獨家試唱權。
現時一般唱片公司只擁有歌曲的錄音版權，但歌曲和歌詞版權則由作曲、填詞人所有，如果有作曲人「一曲兩投」，在法律上他們並沒有違規，但道義上肯定帶來負面影響。
昨日記者致電給環球唱片的負責人陳少寶，他不擔心受事件影響，陳少寶說：「我覺得只係個別事例，問題出喺邊度就從嗰方面解決，其實獨家試唱做咗咁耐冇出過事，只要針對問題去處理就可以，照行規當然唔可以一歌兩投啦！」
而BigEcho老闆娘Apple姐則考慮以後不購買獨家試唱版權，她說：「獨家試唱係慢性毒藥，一嚟價錢好貴，𠵱家咁嘅巿道，卡拉OK搞唔掂，對大家都冇好處，而且對歌手、對作曲人都唔公平，收埋唱嘅歌一定冇齊齊有得唱咁hit。唱片公司為歌手同創作人着想，應該周圍都有得唱。」
採訪：張止寒