一股上海熱，人人都話周末嚟個上海Trip，要返上海搵食打工，又話上海女仔熱情優美又典雅，少不了學埋兩句上海話，好似同上海有關嘅都有價值，連帶地鐵票也當炒中。證據一：郵票舖老細話：「星期一有人一次買三千蚊上海地鐵票，甚麼藝術、建築、人文、電影、動物，所有系列統統都買。」證據二：「我近期最好賣嘅車飛，香港重有套頂得吓嘅《千與千尋》，其餘所買八成以上都係上海地鐵飛。」證據三：「上海地鐵飛系列夠多，尤其電影系列最多人搵；價錢不算太高，四十蚊都有交易，屬抵玩產品！」
想知多些有關上海地鐵票情況，可到以下網址：
記者、攝影：梁佩芬
友誼郵票社（23326152）
地址：旺角信和中心地庫B42