中三開始打欖球的「盈盈」初初先接觸非撞式欖球，打了兩年愈來愈有興趣，便轉打正式欖球，她說：「初初玩時都幾抗拒，又成日要同人碰撞，有時練波完搞到全身瘀晒，亦曾經受過傷；曾問過自己點解要搞到咁辛苦，但愈打就覺得愈好玩，現在全情好投入欖球運動。」
樣子甜美，外形嬌滴滴，談吐斯文的「盈盈」說：「經過連串又要跑又撞嘅地獄式嘅訓練後，令到胃口好了很多；配合訓練令到自己成身肌肉，覺得強壯咗好多，更享受同一大班人一齊訓練同比賽嘅感覺。而平時郁動慣，做少日運動都唔自然，有時間就會落街跑步或者游水。」
雖然李盈盈畢業後曾加入銅鑼灣欖球會參加欖總主辦的聯賽，但現在因工作及讀書關係無法抽到時間打下去，她說：「現在返完工都好疲倦，比較少打了，而自己有時間仍會再玩，就算玩唔到都會抽空去睇隊友比賽。」而「盈盈」已請了一日假期，準備周日欣賞一年一度盛事的國際七人欖球賽決賽。