「部電視最近都唔知做乜鬼，久不久就冇聲冇畫，有時大力拍佢兩吓又有得睇，好鬼煩。」鄭婆婆邊說邊示範給記者看，原本沒有聲音、畫面的電視機，經她大力拍打幾下，再呆等幾分鐘之後，便突然回覆「正常」，可是看不了五分鐘，畫面又出現「跳格」的情況。
由於電視機經常失靈無法收看，令鄭婆婆連唯一的娛樂也失去，生活倍覺孤寂。「冇電視睇咪惟有瞓覺，落公園坐囉，唔係一個人點打發時間喎！」一頭白髮的鄭婆婆無奈地說。
八十四歲的鄭婆婆，丈夫早逝，膝下無兒無女的她，一直過着獨居的生活。年輕的時候，鄭婆婆靠打「住家工」維持生活，現依靠綜援金餬口，日子清貧刻苦。「𠵱家慳慳哋，每日有兩餐飽飯食，但要買乜買物，就梗係冇我份啦，好似𠵱家部電視機壞咗，我就真係冇錢買。」鄭婆婆歎道。
鄭婆婆，刻下只希望善長能捐贈一部電視機，讓她收看新聞及電視劇集，慰解寂聊。
捐款編號：C0880
暖流熱線
電話：29908688
傳真：23702192
電郵：
網址：