容祖兒新歌《我的驕傲》獨家試唱風波愈搞愈大，BigEcho卡拉OK聲稱擁有該曲版權，但英皇則指其版權有問題，雙方各執一詞，而其中一間以千萬代價向英皇購下獨家試唱版權的加州紅卡拉OK，本來贊助容祖兒下月十八日的簽名會，若事情未能解決，簽名會可能會取消。
容祖兒的新歌《我的驕傲》與加州紅及Neway卡拉OK簽下獨家試唱版權，但BigEcho和活力卡拉OK亦有得唱，事件引來極大反應，加州紅和Neway都表示會一定追究。
加州紅發言人Raymond昨日接受本報電話訪問時說：「我哋好關注呢件事，因為合約上寫明佢哋要擔保冇其他卡拉OK有呢隻歌唱，我哋公司淨係喺呢隻歌嘅宣傳費已經用咗成五百幾萬，如果今次件事告唔入，以後點做？嚟緊下月十八號係容祖兒嘅簽名會，場地已經定咗，但搞唔搞要視乎事件嘅進展。」
Raymond聲稱BigEcho所用的MV是「翻版」，他說：「英皇話佢哋肯定擁有呢隻歌嘅獨家卡拉OK播映權，佢哋一定會追究到底，我哋絕對信任英皇，嚟緊繼續會有英皇嘅歌唱，呢件事我哋會搵英皇同Neway一齊跟進。」
另一方面BigEcho老闆娘Apple姐昨日則開記者會，表示其丈夫的KlenstarEntertainmentGroupLtd.向作曲者陳光榮擁有的ClickMusicLtd購買了《我的驕傲》的版權，給一名叫「螢」的新人唱，為保持神秘感，所以MV沒有讓螢露面，而Klenstar與BigEcho及活力卡拉OK負責宣傳，所以卡拉OK有該首歌唱，Apple姐更出示文件證明。
Apple姐說：「係啲行家天真啫，歌曲嘅版權係作曲者嘅，邊有得賣斷㗎，獨家試唱只係掛鈎做宣傳，唔可以話唔畀第二個歌手唱㗎！」Apple姐亦透露，她曾和英皇老闆楊受成傾好以一年五千萬買英皇七十首歌的獨家試唱版權，不過楊受成當日趕坐飛機，向Apple姐表示會由英皇高層吳雨跟進，但吳雨稱因為接收不到電話，同日已將獨家試唱合約簽給其他公司。
而主唱《我的驕傲》的容祖兒，昨日在西貢大網仔拍攝第二首主打歌《習慣失戀》的MV，對於今次獨家試唱風波，容祖兒說：「我好開心，因為大家鍾意我隻歌先會有咁多公司搵辦法攞隻歌畀人唱，好感激佢哋咁睇得起我。」
至於英皇唱片部總經理林偉漢說：「呢隻歌嘅版權百分百係陳光榮擁有，我同陳光榮了解過，佢賣過版權畀一間公司，但唔係嗰兩間卡拉OK，而且只可以用作miniconcert用途，佢冇將卡拉OK版權賣過畀其他公司，Apple姐出示嘅收據，寫明只係『in-housepromotiononly』，卡拉OK係公眾地方，係唔可以播嘅，𠵱家件事交咗畀律師處理緊。」
採訪：張止寒
