美國品牌MarcbyMarcJacobs昨日於銅鑼灣開設第二間專門店，請來關心妍與兩名模特兒示範春裝。關心妍透露獲MarcbyMarcJacobs無限量贊助新裝，但直言個性保守，無膽量嘗試真空上陣。
美國著名設計師MarcJacobs旗下副線MarcbyMarcJacobs昨日於銅鑼灣崇光百貨開設在港的第二間專門店，請來年輕歌手關心妍（Jade）任特別嘉賓，與兩位外籍模特兒即場示範03年春夏新裝。
Jade透露獲MarcbyMarcJacobs無限量、無時限贊助新裝，她興奮地說：「今次好開心，因為好多圈中人都鍾意MarcJacobs，但佢哋就揀中我，真係我嘅榮幸。雖然冇酬勞，但係佢哋會sponsor我着新衫做show。」
Jade示範三套新裝，其中一件金色吊帶背心，散發青春性感。穿上三吋高跟鞋的她，站在兩個五呎九吋高的模特兒中間，矮了一截，三人都忍不住笑。Jade說：「唔緊要啦，我係歌手，唔係model，我會盡力present得靚啲。」
問Jade有需要時，會否學其他模特兒般真空上陣？她說：「唔使啦！我怕㗎，入行以來都未試過，不過可能包到實都係真空㗎。我好怕醜，喺外國讀書時好多同學都真空，不過我係傳統中國保守派。」Jade對自己的身材是否滿意？她說：「我正常size啦，以前肥啲，身材就好啲，係女性渴望嘅尺吋。但𠵱家瘦咗兩個碼，個胸都細咗。」
問Jade可會學張栢芝加胸墊？她說：「加pad，谷得行得滯好誇㗎，自自然然好啲，除非將來要多啲女人味就會。」Jade又表示下月中會到廣州宣傳，她揚言會帶備口罩預防非典型肺炎。
採訪：DebbieLum
攝影：ChenWaiOn
