【本報訊】港府上下與非典型肺炎病毒交鋒之際，還要因決策失誤承受無數家長攻擊。滿腔怒火的父母昨致電電台質問教育統籌局局長李國章，批評港府不下停課令荒謬、罔顧學生安全，有家長激動地說：「送仔女返學就好似送佢哋去死咁。」
李國章昨早出席商台節目《風波裡的茶杯》解釋港府決定，不過市民幾乎一面倒質疑不停課措施。子女就讀幼稚園的黃先生認為，李國章應為不停課後果負責，他說：「如果唔停課而爆發肺炎，你會唔會下台？」
另一名家長謝先生表示：「李國寶係好人，李國章你都係好人」，不過港府以政治理由否決停課令人失望，他質疑港府指學校每日清洗，上學安全的說法，「返學要搭車，我哋唔係高官，有私家車坐，要迫巴士、迫地鐵，學校點乾淨都冇用啦！」
受到家長連番批評，李國章堅持由於至今尚未有學生在學校感染，與社區環境比較，學校仍屬安全地方，他又指家長要求停課，是情緒激動反應，他說：「就算停課，病毒都唔會離開香港。」
雖然李國章本身是醫生，但他的說法不斷受挑戰，小學老師張小姐指讓學生上課，可能更難控制病毒擴散，她說：「一、二年班嘅小朋友，完全唔知發生乜嘢事，將啲口罩用嚟玩、交換戴，講幾多次都冇用。」
她續說：「其實學校係好危險嘅地方，我間學校大清洗完，結果都係決定停課，唔可以等到有人死先停課，你話唔知幾時復課，真係好荒謬，如果大件事，停課三個月都要啦！」
老師支持停課，家長要求停課呼聲更高，楊太表示她寧願把子女留在家中。沙田居民羅太批評，港府為顧全國際形象，卻罔顧學生安全；謝太更說：「如果今日有學生返學染病，係咪教統局負責？你賠番錢定賠番條人命？」