葉劉淑儀堅持想立法會七月過咗條二十三條，搞到民主派同保皇黨喺草案委員會大鬥法，保皇黨嗰種「監粗嚟」嘅手法，真係令人歎為觀止。
話說噚日開會，到臨尾幾分鐘，做主席嘅民建聯副主席葉國謙，先攞兩個諮詢公眾嘅公聽會日期出嚟話要過，由於事前冇傾過，民主派火都嚟埋，李柱銘動議休會話第日再傾，點知班保皇黨恃住人多，連扮民主都費事，三兩下將休會嘅動議都否決埋，成班民主派嬲到起身走人，班保皇黨重堅，連民主派隻腳未行晒出會議廳，已經舉手過埋公聽會日期！
不過咁，葉國謙玩嘢，結果因為超時開會，民建聯楊耀忠掛住喺休息室唞氣，令到跟住嗰個《防止兒童色情物品條例草案》流會。
傳真︰2623-9278
電郵︰