模特兒出身的嚴淑明（Mandy），有好一陣子銷聲匿迹。自上年在台灣推出自傳《救贖美麗》，人氣忽然急升。她曾經替美容網站寫過專欄，又不斷試用各種美容方法，最近更成功把上圍升級，準備在6月推出美容瘦身書。在未有得睇新書前，我們先找她公開自己的護膚之道，及私人的護胸秘笈。
記者：羅惠芬
攝影：陳陶鈞（部份相片由Mandy提供）
逢星期一至五刊出
擁有34B、24、34身材的嚴淑明，話以前只有A級上圍，自從開始替胸部進行按摩後，才突然升級，甚至引來廣告商垂涎，找她拍攝豐胸產品的廣告。問她印象中誰的胸最靚，佢竟然話：「靚胸都係假嘅！」事關入行以來，見過唔少靚胸，大都是後天整成，所以到目前為止依然未遇到真正的自然靚胸。
Mandy之所以突然開竅，是三年前到巴黎旅行，偶然進入了一間護膚品專門店，竟然讓她遇到奧斯卡影后妮歌潔曼，還主動醒她護膚心得。「當時店裏面只得三個人，就是我、NicoleKidman和她的助手。我剛好企喺佢身邊，佢重好Nice咁拎起支產品，同我講句：『Youshouldtrythis！』」那次就是嚴淑明第一次接觸Matis這個品牌。眼見國際級女星都用，她便立刻大量入貨，而且還配合自創的護膚方法，保濕兼緊膚。
Mandy話女人的胸唔單止個Shape要挺，就連乳頭都需要護理。「自懂事開始，媽咪已經教我幫個Nipple做磨砂去死皮，Keep住粉紅色先叫靚。」
除胸部外，她最欣賞的就是個Pat，平時習慣用眼霜當BustGel搽，結實之餘還可順道減紋㖭！
嚴淑明坦然，以前一點也不注意手腳的護理，不過有一次因手肘位膚色太黑，竟被誤會為「無沖涼」，於是她「的起心肝」要一雪前恥，便日日勤力做磨砂，終於白淨番，唔怕見人。