佳士得拍賣行將於下月二十七至二十九日，在金鐘萬豪酒店舉行春季拍賣會，昨日先於君悅酒店舉行預展，並由名模歐陽妙芝擔任示範模特兒。
美伊開戰，佳士得亞洲區珠寶董事石麗華坦言不怕局勢不明朗，影響拍賣成交價錢，石麗華說：「我哋咁多年經歷過波斯灣戰爭、金融風暴同地震呢啲天災，其實如果局勢唔明朗，珠寶先至係最方便攜帶嘅資產。」
歐陽妙芝患氣管炎
由九六年已開始為佳士得擔任示範模特兒的歐陽妙芝，昨日笑言可以拿長期服務金。歐陽妙芝還表示自日本工作返港便咳個不停，診症後證實是患上氣管炎，她說：「我初初唔敢去醫院，有晚咳得太緊要終於去咗養和，一入到醫院就見到啲醫生同護士全部戴晒口罩，氣氛真係好凝重。」
採訪：DebbieLum
攝影：HoKwokHo
