新一年財政預算案一日未落實，睇嚟香港個車市都難有好轉機會，究竟汽車首次登記稅會否回落，業界同班準買家仍抱觀望態度，搞到賣車數字每況愈下，部份代理商為求刺激銷量，惟有以薄利多銷嘅策略對應。就好似寶馬咁，若然以新稅制計算的話，佢哋頂級兩款735Li同745Li長陣豪華版轎車，定價分別要成$1,187,188及$1,420,813，但亞Mark打聽到代理家陣將差額減至前者不過$950,000，而後者亦不過$1,080,000，而且重係2003年製造嘅新車嚟㖭！若然有興趣的話，就真係唔好錯過機會喇！以免限額售罄之後，要畀新車價買貴車就唔好啦！