容祖兒昨日到港台接受節目《娛樂滿天星》直播訪問，近日港台DJ錢佩卿患上肺炎，故祖兒昨日到港台都戴了口罩，她表示其經理人霍紋希已勒令旗下歌手，若沒戴口罩者，不可進入港台直播室。
祖兒自言近日會加倍小心，她說：「我媽咪都叫我小病唔好睇醫生，費事惹啲大病返嚟。呢排我坐保母車都會開窗，亦都叫啲fans唔好激動講嘢，唔好摸我塊面，𠵱家連卡拉OK我都少去，不過我發覺錄音室啲咪都係有陣口水味㗎。」
此外，祖兒繼飛起BigEcho轉投Neway懷抱後，最近又密謀轉投皇室纖形的懷抱。她去年中擔任~H20+旗下的OasisBeauty水磨坊以及減肥茶的代言人，還未夠一年即告轉軚。據可靠消息透露，祖兒將會擔任皇室一個新系列的纖體代言人，她近日拍攝電視劇《美麗在望》演肥妹，攞正牌增肥，同時亦是為了該新廣告鋪路。
採訪、攝影：王連連