早前，筆者應香港本田代理邀請，前赴泰國實地測試最新第7代Accord車系嘅同時，重有機會一睹東瀛本土以外，一所至具規模嘅本田陳列室連大展館；內裏不但展出有本土JTSC嘅無限NSX戰車及多款新車外，重有發展至今屬第3代嘅Asimo機械人表演㗎！咁難得一見嘅場面，就算無時間去睇睇，又點可以錯過今趟一睹為快嘅機會呢！
記者、攝影：李勤
原來Asimo重係能歌善舞，唔少大朋友都要跟佢學習。
新一代Accord分有東瀛本土版及北美版本，而分銷亞洲地區全屬泰國製北美版型號，泰國當地開售一星期，便接到過千部定單，魅力所在自然吸引到唔少車迷駐足細看。各位香港車迷想知呢部新一代Accord有幾好？咁就要密切留意我哋《車天車地》嘅實地測試報道喇！