恒生銀行今年成立七十周年，慶祝活動浪接浪。噚日又開咗一個酒會，招呼班長期客仔；呢班客戶當然唔係普通人，其中一位係方潤華博士。
方老係老牌地產商，捐咗好多錢辦學，係恒生大客，往來已經有五十年，所以噚日恒生兩位大班艾爾敦同鄭海泉特別要同佢影番張相做紀念。
為咗感謝呢批老客戶嘅鼎力支持，恒生一人送個特別鑄造嘅金牌。金牌上刻有恒生銀行名譽董事長利國偉、董事長艾爾敦、副董事長兼行政總裁鄭海泉，重有恒生創辦人何添嘅簽名。利蛇、添伯、艾爾敦、鄭海泉等重一齊上台主持祝酒；利蛇精神好好，見到咁多老客戶好開心。
（圖）與恒生已經有五十年「關係」嘅大客方潤華博士（中）噚日獲贈金牌，同兩位大班艾爾敦（左）、鄭海泉（右）齊齊合照。
傳真︰2623-9278
電郵︰