證券界今個禮拜六有好節目，就係睇陳永陸喺有線嘅《投資全攻略》，商台新營運總監蔡東豪（即係原復生）會上去接受訪問，究竟係冤家路窄，定係冰釋前嫌，睇過至知。原復生背景，八方早前率先同大家報道過，佢喺《信報》寫專欄時，曾毫不留情咁批評走大眾路線嘅傳媒股評人，譏之為財經演員；陸叔身為股評界龍頭大哥，當然要挺身而出。
八方記得佢曾經喺本報財經版為文反駁原氏論點，掀起筆戰。但世事難料，陸叔喺商台開咪，原復生又入咗商台幫俞琤，兩人見面，真係唔知點。八方本來以為商台嘅財經節目會大改動，但暫時又未見，睇埋今個禮拜六個訪問，應該有啲眉目。
傳真︰2623-9278
電郵︰