中國近代偉大教育家蔡元培個女蔡睟盎（音瑞鶯）嚟咗香港，為浸大學生宿舍《蔡元培堂》蔡元培節目做嘉賓；七十六歲嘅蔡大姐噚日同八方話當年。
蔡元培一九三七年來港，本來打算轉去昆明，但醫生話佢身體唔好，要暫時留港，點知四○年因傷寒病逝，當年蔡大姐只有十二歲。佢話爸爸教仔女方式好現代，有親友見到蔡大姐兩個細佬打架，問佢爸爸點解唔理，蔡大姐話：「我爸爸說，他小時候也跟哥哥打架！他從不打罵我們，又提倡男女平等，對子女都一樣。」
蔡元培當年喺香港不眠不休為抗日侵華宣傳，曾經同老朋友宋慶齡搞抗戰演講。蔡先生葬喺香港仔華人永遠墳場，蔡大姐日前就同一班浸大學生一齊去掃墓。香港地方雖小，但亦有唔少文化遺痕，可惜冇人保護冇人宏揚。
（圖）蔡大姐話蔡元培當年喺香港為抗日做咗好多嘢。
傳真︰2623-9278
電郵︰