李彩樺父母位於上環的寓所出租，被投訴答應修補和清潔但不兌現，最近租客退租，收到的兩個月按金支票遭彈票，如今仍未能取回按金，令租客氣結。李彩樺解釋是母親誤開父親的支票簿，才出現彈票情況，並表示彈票後已即時付了現金給租客。
本報收到讀者投訴，指李彩樺（Rain）於上環皇后大道中約四百呎的舊居，一年前租給租客，但因屋內廁所及廚房漏水，而且十分污糟，李彩樺父母答應會修補及清潔，可是當租客入住後，承諾維修並不兌現，租客惟有自己做清潔及修補工作。
最近租約期滿，租客決定遷出，辦清所有手續及取回兩個月按金，卻發現按金的支票是空頭支票，至今仍未能取回款項。
而Rain昨日在電話中回應租客的投訴說：「如果間屋有咁爛，個租客點解起初唔講，重可以忍到成年？至於彈票係因為我媽咪攞錯爹哋嘅支票簿，簽咗自己個名，咁先彈票，銀行通知咗我哋之後，我哋已經即刻畀現金佢，我唔明佢𠵱家重有乜問題囉。」Rain續說：「我諗因為間屋有嚿雲石爛咗，佢搬走時我哋搵專人報價，個租客同意我哋喺佢啲按金度扣千二蚊，或者佢𠵱家因為扣咗錢而唔舒服囉。」
此外，Rain昨日出席柯達數碼相機在銅鑼灣怡東酒店舉行的記者會，大會送出一部LS633數碼相機及頒發「柯達明亮藝人大獎」給她，Rain表示出席今次活動酬勞只是隨意，自己向來追求新科技，光是數碼相機已有五部，平時亦會帶相機出外，以防被狗仔隊偷影時可以反影對方，不過她始終希望和記者保持良好關係。
前日是Rain的緋聞男友蕭正楠生日，她說：「我有打電話畀佢（指蕭正楠）講生日快樂，做朋友禮貌上都要咁做，佢冇邀請我參加生日會，我噚日喺屋企睇VCD。」
採訪、攝影：卓美娟、何國豪、蔡如玉
