關心妍昨日在銅鑼灣舉行簽名會，吸引近百名市民及fans圍觀，她表示今次是首次在銅鑼灣鬧市進行簽名會，感覺開心。
近日非典型肺炎肆虐本港，問關心妍可有擔心？她說：「媽咪都有叫我戴口罩出街，但我覺得唔使，最緊要係身體健康，早啲瞓同飲多啲水，唔好捱夜，就會增加抵抗力。」她又透露閒時也愛獨自一人往銅鑼灣行街購物，不少店舖更會主動給她折扣，令她省回不少。
此外，昨日是蕭正楠生日，問關心妍會否與對方慶祝，她連忙表示不知道對方生日，她說：「我今晚約咗屋企人食飯，但如果佢搞都會問公司畀唔畀去，或者去到放低份禮物，但如果佢唔請我去，就未必會買禮物畀佢。」
採訪、攝影：馮美茵