美軍開戰，直打巴格達，上周五美股連升8日，且幅度極大，今朝港股開市，Put輪必然有難，Call輪則必然急升。重磅藍籌成為搶貨對象，若然升得唔係太多，揀啲Call輪買吓，有機會贏錢，若然升得太多，則小心遲吓獲利回吐。
一批藍籌Call輪，短炒贏面大，例如滙豐9677（7月到期，現價23.5仙，溢價6.7%，槓桿率35.6倍）、長實9671（6月到期，現價23.1仙，溢價8.9倍，槓桿率20.4倍）、和黃9666（6月到期，現價23.9仙，溢價7.5%，槓桿率19.4倍），新地9710（7月到期，現價16.9仙，溢價14.6%，槓桿率24.6倍）、中移動9754（9月到期，現價21.9仙，溢價7.7%，槓桿率7.9倍）。呢批Call輪，槓桿率唔係最大，但溢價比較適中。
唔諗個別藍籌Call輪，最直接想喺大市上升之中搵錢嘅做法，自然係揸恒指Call輪。
恒指Call輪對象有9663同9679。9663今年6月到期，現價7.3仙，溢價7.0%，槓桿率41.9倍；9679喺7月到期，現價16.4仙，溢價4.5%，槓桿率15.6倍。恒指Call輪有啲係「封頂輪」，佢哋嘅變化會比較小。
章盛