在1月份時，小初聽經紀陳推介，在1.80元買入龍記（255），之後股價表現果然對辦，小初2月中在2.20元高位沽出，賺咗一筆。
小初沽咗之後，隻股果然回落，一度跌落2元樓下。但上個星期又見有大牌買入，三扒兩撥就將隻股推番上2.20元水平。
原來隻股改咗年結日期，今個星期五將公布截至舊年12月底止9個月業績。公司舊年上半年業績已經唔錯，老闆早排又開口講明，模具主要原料鋼材價格上升，令產品價格水漲船高，所以跟尾3個月嘅邊際利潤重好過頭6個月，難怪有春江鴨偷步。
經紀陳話，龍記上升動力主要來自一間近排頻頻買入小型工業股嘅英資行，佢哋眼光非常好，好多時買乜就中乜，所以好多其他外資行跟風，就算跟佢哋追貨，仍然有水位食胡。
早排做紡織嘅冠華國際（539）就係其中一個例子，但今次龍記會唔會係另一個翻版，佢話唔敢講。
慕容小初