前立法局議員彭震海二月底病逝，噚日出殯。彭爺享壽八十五歲，雖然九五年佢以健康理由，不再競逐立法局勞工界議席，不過身為港九工團聯合總會元老，彭爺可謂資深嘅右派工會領袖，又做過十年立法局議員。劉千石、李卓人、梁耀忠、李鳳英、陳國強都係佢嘅後輩，所以噚日佢哋紛紛前來，送彭爺最段一程。阿石同阿人，加上彭爺老友黃宏發等，一齊為彭爺扶靈。
香港嘅國民黨黨員已經買少見少，彭爺逝世，靈柩上除咗工會會旗，重蓋有青天白日旗黨旗，標誌住彭震海不折不扣嘅國民黨黨員身份。
（圖）劉千石（右四）、李卓人（右二）同黃宏發（左）目送蓋上青天白日旗嘅彭震海靈柩離去。 張家俊攝
傳真︰2623-9278
電郵︰