譚詠麟（阿倫）和李克勤前晚在澳門舉行演唱會，他們跟梁榮忠以張栢芝為陳小春推油一事作話題娛樂觀眾，還把它說成有三級意味的笑話。
譚詠麟和李克勤前晚在澳門氹仔運動場舉行一場「左麟右李澳門演唱會2003」，除現場二萬觀眾外，還吸引氹仔運動場旁的大廈住客倚窗欣賞，其中以二人與梁榮忠取笑「春芝推油」時最惹笑。梁榮忠首先發問：「阿倫呀，呢排點睇張栢芝同陳小春推油，究竟乜事呢？」阿倫即說：「據我兩個骨場好朋友骨精偉（曾志偉）同家英哥（羅家英）提供資料……」
阿倫未說完，克勤搶說提起羅家英恐怕汪明荃會生氣，阿倫則說：「慣咗啦。呢種一睇就知係友誼療程，推油對身體有莫大益處。其實係小春幫栢芝推一次先，啲人見到即影相，點知只影到後半段，當小春為栢芝喺腳底一路推，推到南半球，再推到北半球，再由北半球推返去南半球……」
梁榮忠插口：「中間推過好多地方，好似熱帶雨林咁啦。」克勤也說：「咁咪好似去旅行咁？咁去埋金字塔呀？」三人將春芝推油事件說得甚有三級意味，惹得觀眾大笑，最後阿倫說：「講到好似旅遊咁，𠵱家係推油。原來推油推落肚度，再放埋屁就可以減肥。」事後克勤表示只是開玩笑，相信小春不會為此生氣。
前晚演唱會安哥時，台下的賭王胞姊八姑娘何婉鴻上台派利是，然後搶去阿倫手上的咪，一字不漏地高歌一曲《紅日》，盡情發揮表演慾。
前晚演唱會開場時，現場飄着雨粉，但幸好沒有下大雨，阿倫說：「如果落大雨啲燈down晒就麻煩。」
記者胡比、陳偉權澳門直擊
