嚟到澳門，又點少得搵搵特色美食，今次我當然又有新發現！
位於澳門新食力地點皇朝區嘅《老點》，係一間新派茗茶、食特色點心嘅餐廳。上下兩層逾千呎舖位，用上大木櫈加竹製太歲椅，搞到座位都唔夠嗰100個，香港絕對冇可能畀到你呢種闊落空間感覺。
問老闆之一嘅Mickey，點解要「老點」啲客，佢話當中含意其實好有「詩」意，「老火靚湯頻勸滔 點心燒賣密斟茶」咁解！而呢度最耍家出品又正係點心。
老點
地址：澳門倫斯李特大馬路利景閣E-F舖位
電話：（853）752028/（853）752068
土生葡人亞Neu，為咗鼓吹土生葡人食品，上年尾喺皇朝區，開咗一間同自己同名嘅葡式餐廳。「其實澳門嘅地道食物，並冇萄國雞㗎！」佢話反而咖喱雞或者洋葱豬扒一類，較貼近現實，似番土生葡人日常食物！
入到《Neu》，感覺舒服，約800呎的舖位，只有30餘個座位，餘下位置就放咗一張十幾人都坐得落嘅大梳化，Neu話日頭用嚟畀客等位，入夜用嚟飲酒聊天。至於食品方面，喺度你除咗食到地道家庭菜之外，最正嘅係蛋糕！
Neu
地址：澳門柏嘉街帝景園地下AX舖
電話：（853）752548