近期非典型肺炎肆虐，香港天主教教區主教陳日君噚日主持觀塘聖若瑟英文中小學四十五周年校慶感恩祭時，咳到幾乎唔停到口，重要攞條手巾掩口（圖）。八方追問主教點解咳成咁，佢話兩日前唔小心冷親，冇乜事。
八方又睇見天主教公教報頭條，暫停派義工去各醫院服務，避免義工受感染。不過醫院牧靈工作者就會根據各醫院嘅安全指引及措施，繼續為病人、家屬同醫務人員提供支援。陳主教主持感恩祭時，亦帶領信眾禱告，特別為本港近期啲天災人禍，祈求天主協助醫護人員，醫治疾病，恢復病人嘅健康。
主教傍晚出席燭光集會時，八方再追問佢嘅健康情況，佢只係話：「唔係嗰味嘢！」
傳真︰2623-9278
電郵︰