朋友知我成日去深圳，所以經常叫我幫佢買啲有民族特色嘅精品和飾物。好在皇天不負有心人，終於俾我搵到一間專門售賣西藏首飾嘅店舖，貨品全部都係老闆娘由當地運返，件件人手製造，款式特別之餘重有不同的意思，即管睇吓啱唔啱你心水！ 記者：黃希知
攝影：陳臣
呢幾個以人手做成的純銀盒仔，其實係西藏人嘅心願盒，當地人每逢星期四都會許願，而呢啲盒就係要嚟裝住啲心願和願望，個盒上面重寫住六字真言，買番個戴住，話唔定真係可以如願以償！
唔鍾意五顏六色，可以揀呢款西藏法器十字金剛杵?198（左），老闆話呢個法器可以支配生死輪迴，全銀製成，男女都啱戴；而另一款用蜜蠟鑲上銀托做成的鏈墜叫保平?125（右），可以保平安，用嚟送畀人就最啱。
老闆潘小姐話西藏人最鍾意綠松石、紅珊瑚同蜜蠟，綠松石更被當地人視為神的化身，係好流行嘅神聖裝飾物，鑲成鏈墜，精緻兼富有民族色彩。另外鑲上紅珊瑚同綠松石嘅手鐲同戒指，手工精細，可以襯埋一套佩戴。
（上）紅珊瑚手鐲?295
（下）綠松石頸鏈?238
（右）綠松石紅珊瑚戒指?185
西藏飾品
電話：(86)75526799551
地址：深圳華強北路嘉年廣場兒童街5棟6號