又到春天啦！所謂春回大地，不少適合香港春夏季天氣的花朵及小植物，喺呢個時候重出江湖，在花墟及花店大放異彩。家陣時令植物之中，以繡球花、杜鵑、秋海棠最受女士們捧場；而且，由於另有好多小盆栽容易打理及適合戶外及室內，所以愛花人士又係時候去逛花店嘞！
記者：梁煒健 攝影：周旭文
Model：Miffy（KOne）
場地提供：AnterraGreen
盈軒老闆瓊姐教路，市面上一般發售的小盆栽，一早就用植物殺蟲劑替閣下的盆栽殺絕蚊蟲，而且亦已施肥。
若要自己施肥，謹記盆栽開花時不要施肥，而花凋謝的就要施肥，而施肥後再等到下一季生長時就最靚。而灑水之時不要淋樹葉，要灑水於泥土之上，但謹記泥土不要太濕，否則植物的根部及莖部會容易損爛。
至於品種方面，市面主要來自荷蘭、本地及內地三種，而來自荷蘭的品種則較貴些兼襟擺。
每盆售價：$150至$300不等（AnterraGreen）
由於有本地及荷蘭品種，所以售價不一。適宜戶外種植嘅繡球花，非常缺水，差不多要日日淋水，所以香港嘅霉雨季節，就極之適合種植呢類繡球花；一盆有唔一定數量嘅繡球，顏色主要有粉紅及白色較多人喜歡，而謹記夏天嚟到，呢類花就會唔啱種啦！
每盆售價：$80（AnterraGreen）
這種勁似玫瑰花的秋海棠，顏色多不勝數，有桃紅、粉紅、橙及黃色，但偏偏就冇藍色。秋海棠有單托及雙托，是比較容易種的盆栽，一般較適合室外半陰、或室內多光線的地方種植，而潮濕的香港就最啱種了！
每盆售價：$35（盈軒）
白掌花可分本地、內地及荷蘭品種，以荷蘭品種最靚。白掌花較適合春天較暖的戶外地方種植，而室內亦無妨，但要空氣流通；每隔三至四日要淋水一次。一棵白掌花會有2-3個花蕊，盛放時尤其清雅幽香。另有迷你種白掌花，每小棵$32。
每盆售價：$52（盈軒）
杜鵑花有荷蘭、香港、深圳等地培植，但出產就以比利時居多，而顏色方便分別有粉紅、桃紅及白色。由於杜鵑花打理非常容易，每星期只需淋花2次，夏天則需3次，而室內及戶外均可種植，所以有不少寫字樓OL至愛種杜鵑花。
每盆售價：$38（盈軒）
由荷蘭進口嘅小盆栽兔仔花，這類迷你種喺春天種植就至Fit，因為打理容易，每星期只淋水一次。兔仔花有紫紅、粉紅及桃紅色，其中紫色則較為少貨。
店舖資料
盈軒（25166369）
地址：炮台山電氣道183號AIA大廈地下1號
AnterraGreen（28953500）
地址：跑馬地黃泥涌道51號地下