【本報訊】衞生福利及食物局局長楊永強昨日在電台節目中，受到多名市民炮轟，指當局處理非典型肺炎失當。有市民質疑當局隱瞞事態嚴重，可能「唔想開罪我哋隔鄰嘅地方」；有家長則批評本港不暫停染肺炎學生上課是「賭一鋪」。楊永強有點動氣地說：「如果係賭，就變咗香港人全部唔准出街，接觸過病人嘅醫護人員困喺屋企。」
一名姓尹的醫院醫生昨日致電香港電台節目《星期六問責》，質詢出席節目的楊永強為何不仿效新加坡，暫時禁止受感染醫護人員的子女上學。他批評：「依楊局長意思，等小朋友返咗學，同學冇受到感染，就冇事。呢啲都係賭一鋪，如果有五個同學仔發病，佢哋再傳畀屋企人，屋企人傳畀同事，個雪球就愈滾愈大！」有家長則建議當局下令停課七天。
楊永強反駁，指至今未有學生受患病學生傳染，毋須仿效新加坡的做法。他說：「一定唔係賭！如果係賭，就變咗香港人全部唔准出街，接觸過病人嘅醫護人員困喺屋企，如果有迹象係咁，我哋會咁做！」
另一聽眾曹先生批評，當局刻意隱瞞事件的嚴重性，以致愈來愈多人受到感染。「局長你哋嘅政策係錯誤，危機感非常之低！」他指當局「可能為咗唔想引起公眾恐慌、唔想影響旅遊業、唔想開罪我哋隔鄰地方！」楊永強則解釋，至今掌握有關病毒的資料不多。
新加坡《海峽時報》報道，當地衞生部及教育部已下令，曾照顧感染非典型肺炎病者的醫護人員，其子女本周內停課，並提醒有子女剛到過香港、廣東省及越南的家長，要留意子女，一旦發燒要立即看醫生及切勿上學。