要Beyond談情說愛，家強想也不想就笑阿Paul，說：「阿Paul講先啦，佢最幸福啦。」與女友朱茵沐浴愛河的阿Paul即時笑着說：「做好自己啲嘢先啦，眼前啲嘢都未搞掂。」問他何時跟朱茵拉埋天窗？他說：「心裏係有計劃，但唔知幾時，唔會好快。某程度上𠵱家都幾enjoy生活，我係會結婚嘅人，大家都有共識嘅。」
家強現在單身，他講到明恨拍拖，他說：「我都恨㗎，之前個女朋友都散咗半年，我𠵱家希望有自由嘅愛情，唔好太拘束。」
世榮拍拖八年的女友Cynthia在去年十月意外身亡，這件事，是他心中的刺痛，從沒沖淡過。問他會不會再拍拖？世榮說：「講緣份嘅，我唔會唔敢，但都要鍾意人至得，呢段時間我想做好自己嘅嘢，我相信佢見到我做嘢會好開心，因為佢在生時都係咁嘅態度。」
愛情是人生中理想的一部份，Beyond說他們還有別的理想，阿Paul說：「我想開一間唱片公司，做好啲音樂。」家強的想法跟阿Paul一樣，他說：「我想有自己嘅label，做自己鍾意嘅音樂。」世榮就說：「個別發展試唔同嘅嘢，自己做音樂覺得幾好玩，未來嘅理想希望做多啲好嘅唱片。」