謝霆鋒日前接受新城娛樂台錄音訪問，直認曾愛過張栢芝，至於跟王菲的關係則轉換了交往形式，強調自己感情一片空白。對於霆鋒對幾段舊情的剖白，中國星老闆娘向太昨日大爆霆鋒在栢芝傷頸時經常探對方，暗寸霆鋒跟栢芝拍拖，只是一廂情願。
謝霆鋒跟王菲和張栢芝的感情瓜葛，糾纏了好一段日子，有說霆鋒已跟王菲復合，但他日前在宣布復出的記者會上，自稱現在沒有女朋友。
日前霆鋒接受新城娛樂台明日播出的顏聯武《今夜陽光燦爛》錄音訪問中，坦承愛過栢芝，至於與王菲的交往，霆鋒表示形式上是改變了。可是中國星老闆娘、向華強太太陳嵐昨日在中環出席Gucci時裝騷時，表示栢芝和霆鋒未拍過拖，向太亦暗寸只是霆鋒對栢芝一廂情願，二人的戀情未開始便湮滅。
離離合合當小休
霆鋒在訪問中表示與王菲轉換形式交往，更謂自己最近沒有女友，似乎暗示已和王菲分手。霆鋒還用汽車來比喻愛情，他謂自己的車房只可以容納一部車子。霆鋒亦承認跟王菲交往時，二人離離合合，他指這些離離合合是二人的小休，不過霆鋒不敢向顏聯武表明在王菲和栢芝當中，誰是他心目中的好太太。
但霆鋒卻大讚栢芝和王菲在處理愛情上，都比自己好。霆鋒又講到自己在三年內愛過三個人，但他只提及王菲和張栢芝，霆鋒表示講多一個人是要保留空間「走盞」，估計另一人是跟霆鋒傳過緋聞的盧巧音。霆鋒亦強調自己曾為愛情哭過，但已是很久以前的事。
遺憾可當美好回憶
霆鋒對愛情的車房理論，向太昨日回應說：「霆鋒嘅車房理論，佢係可以愛（栢芝），但唔代表佢哋一齊過。佢（霆鋒）咁得閒同一時間愛三個人，咪好慘？不嬲都知佢係同王菲，栢芝只係好朋友。當日栢芝傷頸，佢成日嚟探栢芝，佢哋開始係有feel，但係未開始就結束，咁都好，有遺憾咪留個美好回憶。」
向太又為栢芝講說話：「栢芝諗如果霆鋒同王菲重有，或者互相喜歡，佢覺得自己唔應做第三者。佢好勇敢，唔應該叉入去就唔叉。」其實栢芝不介入這段感情，她豈不是可以減少痛苦？向太說：「感情嘅嘢冇得勸，要自己諗得通，感情好難畀意見，始終要佢處理。」
「栢芝一出就惹火」
問向太可覺得霆鋒復出似借栢芝宣傳，向太說：「佢未必想，可能問起咪講，栢芝一出道都咁惹火（指惹是非），佢份人夠真性情，佢去慈善活動大家又唔寫，話佢好蒲就寫到大一大段，我對某啲傳媒失去信心。」
採訪：林妙萍
攝影：陳慧安
