自從七歲患上先天性黃斑點退化症開始，黃至威眼中的花花世界就像被一層濃霧籠罩。十六歲的他縱使上堂要帶「望遠鏡」和「放大鏡」，但他仍能成功由弱視班轉讀普通班，成績更名列前茅；課餘他又會積極做義工，為自己未來踏進社工界鋪路。他的故事告訴一些失意人士，掌心那條生命線，可以憑着後天努力而改變。
曾試過驗眼的人都知道，視力表上第一行的字體有多大，然而「雞乸咁大隻字」，至威只是勉勉強強能夠看到。在他眼中，記者的五官只是五個小黑點而已。「我搭𨋢㩒掣都要哄到好埋，有次有個阿婆重問我做乜咁細個就大近視，哈哈！」至威說出一段陳年「趣事」。
只有正常視力十分之一的至威，如果付出比別人多十倍的努力便可達到普通人的標準，那倒簡單得很，然而事實往往未必那麼如意。自從七歲那年驗出患上無法治愈的黃斑點退化病之後，他所遇到的困難，除了行街「撞燈柱」、「撞路牌」、「認錯人」、「俾人笑」之外，便是上堂學習，雖有一對學習「孖寶」──望遠鏡和放大鏡幫手，但仍難以跟上學習進度。
「就算我坐第一行，都要用望遠鏡睇黑板，但有時都唔係睇得晒，而放大鏡就用嚟睇課本，睇得耐對眼都會痛。」至威說。
直至升上中一，他被編到弱視班，學業成績才有進步，升上中四時更可讀回普通班。
不過他卻未能選讀心愛的理科。「因為理科有好多實驗要做，好似讀生物要切豬心、切牛眼，我根本應付唔到，惟有揀文科。」至威並沒為此氣餒，對上一個學期試考獲全班第十名，剛剛考完Mock（模擬會考）的他，現正積極備戰會考，希望考獲佳績，順利升讀預科，甚至大學，實現他修讀社工的理想。
「我明白到要正面啲去面對自己呢個缺陷，況且我得嘅比失嘅多，知道邊個真正關心我。我想做社工，係希望可以幫到有困難嘅人。」他說。
至威閒時會參加義務工作，探訪長者和病童，貢獻社會。早前他獲選為「深水埗青年生命大使」，表揚其不屈不撓的精神。身為母親的黃太亦以兒子為榮。「佢憑住努力得到人哋嘅認同，我都覺得有一份光榮，𠵱家有小朋友為咗啲小事就去自殺，就會諗點解佢哋唔可以好似我個仔咁樂觀同積極呢？」
糟蹋生命比學會珍惜來得容易，至威捨易取難，最終得到社會人士認同。縱然視力受到障礙，惟他比一般人更加看得清楚自己的前路，一步一步，堅定不移向着目標邁進。
暖流熱線
電話:29908688
傳真:23702192
電郵:
網址：