今年國泰推出「飛躍理想計劃」，揀咗一千名十三至十八歲的後生仔，噚日喺銅鑼灣時代廣場正式「啟航」。佢哋未來會參加一連串活動，重有機會參觀法國空中巴士公司、美國波音公司，甚至去國泰喺澳洲嘅飛行學校，參觀機師受訓。
噚日其中一位機師講話時，第一句就同主禮嘉賓之一嘅理工大學校長潘宗光講：「我都係理大學生」，搞到潘校長由個心度笑出嚟。八方重見到大班鄭經翰同埋佢太太勞錦嫦，後來先知原來大班個仔都係參加者。
﹙圖﹚左起：蔡元雲、陳南祿、鄭經翰、黃寶珠、何定鈞、潘宗光，同參加者做出「想飛」嘅手勢。 程志遠攝
傳真︰2623-9278
電郵︰