八方噚日收到法援局嘅查詢，問下年重要唔要本年報，前提當然係政府目前銀根緊絀，網上又有得睇。咁嘅情況，八方梗識做，第一時間話免了。其實立法會秘書處早前就已經話咗下年起，唔再印年報，做印刷嘅前景肯定冇啖好食。
法援局主席李澤培早前亦都徵詢一眾行家，日後如果開公開交流會，可否不再提供即時傳譯嘅服務，連文件都冇埋中文版本。點解？咪又係一個錢字！不過呢個要研究吓，因為始終法律語言唔易明白。
講到《基本法》二十三條嘅問題，李主席話佢哋仍然忙於同政府搞清楚，點將二十三條納入法援範圍，二十三條中唔少罪名要判終身監禁，等同謀殺罪咁重，真係得人驚。
傳真︰2623-9278
電郵︰