左面一枱，十數大男人，飲得面紅耳赤，在猜嘈到拆天的財拳。右面一枱，拖男帶女兒孫滿堂，在唱生日歌，逗得壽星公開懷大笑。枱與枱之間，很迫狹，性感的啤酒女郎團團轉，在努力推銷啤酒。
這畫面，以下推介的屋邨冬菇亭式大牌檔最常見；旺場，只因食物質素高，價錢又夠大眾化。
老闆周恆，85年頂手禾輋這冬菇亭，最初只得13張枱，其後規模愈做愈大：「星期六日，90張枱都分分鐘唔夠坐，至少400人入過嚟放低銀両，開心㗎！最頂癮係嗰份滿足感嘛！喂！一講冬菇亭，邊個唔識陳根記先？大牌檔都可以威到盡，重唔係神話？」採訪當天是星期三，依舊坐滿八成枱，難怪他這樣囂張。
問燒鵝因何好賣，周恆說：「好味囉！」何好味之有？「好賣就即係好味啦，自己用炭爐燒，新鮮滾熱辣，日賣30隻，斷估好多燒臘檔都賣唔到30隻鵝一日啦。」秘密何在？「我班師傅全部正統臘味舖出身，燒鵝一定香嫩滑。」周恆豪不避忌自揭謎底。
二者皆極注重湯底，藥材雞的湯底用淮山、杞子、圓肉、黨參、巴戟熬成，浸4小時，屬冷盤；新鮮豬雜用豬骨上湯煮，周恆說：「用白胡椒好呀，無咁燥。」
店名：陳根記（26061390）
地址：沙田禾輋邨禾輋牌檔3、5號
營業時間：5:00pm至1:30am
老闆大廚夠合拍金利來
牛頭角，傳媒只集中介紹足球場一帶的大牌檔，其實12座亦有間不俗的金利來，吃風味，可出舖外打個露天邊爐，怕風，入舖邊吃邊看電視邊歎冷氣亦可。老闆叫老韓，語重心長：「走多步，食得好一啲。」大廚叫樊哥，有話要說：「諗多啲，先有新菜式。」合作無間，深得街坊捧場。
招牌菜，日賣至少30碟，樊哥心得：「一般做法用玫瑰露、花雕酒浸花螺2粒鐘，入味就入味嘞，但肉質會變靭，我就醬汁行先，有人Order先用沙仁粉、指天椒、咖喱醬熬汁，臨尾再加啲沙茶醬，一樣入味，肉質一樣咁嫩。」
麻辣瀨尿蝦（後$40）
樊哥說：「有間酒家玩芝士龍蝦好出色，咪抄吓橋囉，點知啲客咁受喎。」橋抄到足，6隻扇貝下有厚厚的伊麵底，抵吃；「川菜有味水煮牛肉，我又抄，落齊大豆芽、豆卜、唐芹，唔使下下都係椒鹽煮瀨尿蝦咁悶。」
店名：金利來食坊（27990125）
地址：牛頭角下邨12座地下5至6號舖
營業時間：6:00pm至2:00am
吃盡潮泰粵新榮發
冬菇亭做的是街坊生意，誠意不可欠。誠意一，款式多選擇多，潮泰粵菜瓣瓣齊，新榮發做到了；誠意二，精益求精，大廚漢哥說：「講真喎！啲嘢唔啱食，即管開聲，有我喺度，煮到你豎起手指公嗌好味為止。」
泰式墨魚餅（後$48）
比茄汁肉排更好吃，因用上由泰國搜購回來的雞醬；要令墨魚餅爽口，馬蹄不可少，但豬肉碎與墨膠的比例同樣重要，漢哥說：「三分二墨魚膠，三分一豬肉碎，啱啱好。」
潮州佐酒小食，鴨舌易入味，比想像中辣；雞軟骨呢，比想像中多肉。
店名：新榮發潮粵海鮮菜館（27990883）
地址：牛頭角樂華南邨熟食中心5號
營業時間：5:00pm至1:00am