男子組合Shine昨日到銅鑼灣崇光為萬樂珠新口味產品宣傳，近百名歌迷到場支持偶像，不過由於鬧市圍觀人數眾多，當Shine出現時場面十分混亂，不少歌迷互相推撞，更有一名女歌迷被撞倒在地上。Shine事後亦坦言情況混亂，不過慶幸未有失控。
Shine的徐天佑近期和Cookies的Miki傳緋聞，對於Miki可以留低另組「MiniCookies」一事，天佑說：「戥佢開心，但唔會刻意因為呢件事打電話畀佢，總之我覺得佢可以留低唔係因為緋聞，而係靠自己嘅實力。」
此外，有雜誌指原本和余文樂甚老友的黃又南，近日被指埋陳冠希堆而懶理余文樂，對此又南說：「兩個都係我朋友，冇話埋唔埋堆，其實我近排都好少約朋友出街，至於話佢哋不和都只係傳聞啫。」
採訪、攝影：駱華齡