香港潮州商會前晚於灣仔會展舊翼舉行第四十三屆會董就職典禮晚宴，出席者包括商會成員廖創興銀行主席廖烈文及劉坤銘等，而年初被頒令破產的保良局前總理林依麗亦有赴會。
林依麗表示現在沒有工作，她打算四年後捲土重來。問她破產後生活方面有沒有困難，她笑說：「冇乜大改變，兩餐都唔成問題，因為我冇食早餐嘅習慣，唯一係唔可以搭的士啫，我都慣咗搭地鐵，幾好呀，夠晒準時。」
林依麗續說：「兩個仔嘅生活水平都冇影響，因為佢哋有契爺，即係我現任男友負責生活費，我唔會畀兩個仔知我破咗產。」林依麗又慨歎香港人現實，她說：「風平浪靜時就多多朋友，一有事就冇人理你。」
另外，廖烈文對於美伊開戰表示並不擔心安全，他說：「雖然我有親戚同有間分行喺美國，但係美國又唔係戰區，應該唔會影響到我哋嘅。」
採訪:RitaLeung
攝影:ChenWaiOn
