黃子華前晚在灣仔舉行棟篤笑，他的話題主要圍繞謝霆鋒和特首董建華。黃子華除揶揄霆鋒去年因妨礙司法公正罪成，加上情債及連番炒車，應判終身監禁，還說董特首再連任下去，香港的樓價就會跌至兩折。
黃子華前晚在灣仔新伊館為「聲色藝黃子華棟篤笑──冇炭用」首演，他的好友吳鎮宇夫婦、劉青雲夫婦、張達明夫婦及薛家燕等都有往捧場。前晚的棟篤笑騷全場爆滿，部份觀眾更戴口罩進場，而黃子華前晚的話題則不停揶揄特首董建華和謝霆鋒。
黃子華表示董建華是太太董趙洪娉要他做特首的，他說：「呢個位冇人可以做得掂。董建華一句八萬五，就有八萬五人變負家產。董特首唔好意思連任，係佢太太叫佢連任，佢可以喺香港買樓四折，再做多屆就兩折。佢如果唔帶保鑣去屋邨可以平安返出嚟，我就畀佢連任。」黃子華又取笑董特首的工作態度，他說：「要借用劉德華嗰句『今時今日咁嘅服務態度係唔得㗎』。」
對於霆鋒去年妨礙司法公正罪成，候審期間在拘留所度過十四日，黃子華說：「犯法應去請罪，佢妨礙司法公正，拋棄王菲點計？暗𠝹栢芝點計？二十歲人揸法拉利，炒咗法拉利，應判終身監禁。」問黃子華揶揄董特首和霆鋒的話題可覺太敏感？他說：「我已經收斂咗好多，有心人可以聽到幾個角度，我唔係話霆鋒應該重判，係另一名警察應該判輕啲。」
此外，吳鎮宇的太太王麗萍不習慣面對記者的鏡頭，她先是迴避，見記者不停追訪後，她竟拿出口罩戴上，十分搞笑。吳鎮宇將拍電影《無間道前傳》，有指他之前推了演劉偉強執導的電影《無間道》，他笑說：「我得罪咗劉偉強，爭佢十餐飯，呢次唔同佢拍，佢哋威脅話冇朋友做喎。」
而劉青雲和太太郭藹明拍拖到場，有消息指青雲將跟張栢芝合作拍攝新片《忘不了你》，中國星希望以青雲力捧栢芝，青雲說：「係都係導演爾冬陞捧佢，唔關我事。」
採訪：魯萍
攝影：陳志嵐
